主播飯局

早兩日同友人約咗亞視某主播喺中環食飯，我哋當然唔會放過呢個機會，即席訪問亞視近來嘅大地震啦。飯局中佢透露亞視喺4月會有變革，我哋問係咪會多好多台灣嘢，佢話係，同時又會多咗好多（節）新聞，而且同時考慮緊張永霖出嚟做節目。到時會做啲咩仲傾緊，但係佢話應該唔會做「永霖飯局」！我哋又提到話亞視當時變天嗰啲嘢啲詳情，但係佢拒絕回應，唔知係咪有啲咩不可告人嘅秘密呢？另外提到亞視啲劇同啲劇中嘅男演員好鬼古怪，佢話據聞宜家套意難忘係閩南入嚟嘅……oh my god！講開又講埋亞視開始冇乜廣告，播嚟播去都係嗰啲，佢話呢幾日放假喺屋企開自己台嚟睇，佢話佢都覺，但係佢哋台啲廣告package冇減過價，又貴，難怪佢播嚟播去都係嗰啲嘅；佢更話佢呢牌新錄嗰個關於YAHOO！嗰個廣告，佢話佢絕對相信一個鐘起碼播一次，我哋話一定唔止添呀，我哋話無時無刻都播緊！同場加映：講開先知原來呢份工都幾嘆咖，返工時間係1400！真係唔到你恨呀！

3月20日零晨進行系統提升（受影響之系統：LJ5057載客logbook）

3月20日零晨12時至早上8時將進行系統提升工程，屆時將會出現間歇性不穩定，請各位留意。有需要而又有xanga户口的blogger可於「tabasco_sjc's Xanga Site」（http://hk.xanga.com/tabasco_sjc/）使用閣下之xanga户口繼續瀏覽。沒有xanga户口的blogger則可於「LJ5057載客logbook」（http://lj5057.blogspot.com/）繼續瀏覽。
如工程完成後各位有任何問題，請填寫客服表格，有關同事將會與你跟進。
帶來不便，十分抱歉。