聖誕樹之旅

今日趁有啲時間，放咗學之後就跟小威威個blog按圖索驥，去中環同奧運睇樹。嘩！原來棵樹都幾高喎！其實我咁大個仔都係第一次特登走去睇聖誕樹咖！~真係講起嚟都覺得肉酸呀！棵樹都幾得意吖！不過就略嫌同過往嗰幾年嘅差唔多…… 唔知點解側跟嗰兩間旅客資訊中心唔開嘅呢？去完郵政總局寄信之後就去咗利源西街等914啦，點知甩班喎，害我等多咗9分鐘先上倒車！跟住仲要喺佐敦道塞車！真係黑仔呀……跟住去到奧海城睇嗰棵就真係大得滯呀！~我部傻瓜機都影唔到一幅過呀！~之後搭番K16過南昌鐵路站轉港鐵番屋企囉，先知原來K16都幾多人搭呀，搞到輪椅都上唔到車呀！~P.S.：宜家中環香港鐵路站條通道swarovski落咗廣告呀，掛咗好多嘢喺度呀，整到條通道都好光猛吓呀！~